Sport

Hoërskool Nico Malan bied ‘n wye verskeidenheid van sportaktiwiteite aan. ‘n Trotse tradisie van deelname en prestasie is oor jare opgebou. Afrigting word op ‘n hoë vlak hanteer en leerders se talente en vaardighede word ten volle ontwikkel. Die skool het ook ‘n kondisioneringsprogram ingestel waar alle sportmanne-en-vroue gedurende die voorseisoen hul self kan ontwikkel.

Prestasies word jaarliks in verskeie sportsoorte op provinsiale en nasionale vlak gelewer.

Gholf

Gholf word reg deur die jaar gespeel op ‘n verskeidenheid van bane in die OP.

Oefeninge is op Woensdae en Vrydae en ligawedstryde vind op Maandae plaas. Daar is 2 spanne van 4 elk wat liga speel. Ons is werklik trots op pragtige prestasies wat ons Gholfspanne al oor die jare behaal het in die OP-liga. Ons speel ook in die Cape School’s Gholftoernooi waar die beste skole in die Kaap teen mekaar meeding.

landloop

Landloop is aktief besig in die wintermaande vanaf Mei tot Augustus.

Oefeninge vind plaas soos uiteengesit in ons jaarprogram. Ons doel is om ‘n basiese fiksheid by atlete te skep vir die atletiekseisoen in die somer. Ons atlete neem deel aan die plaaslike ligawedlope, die jaarlikse Framesby 2km aflos en Distriks- en Provinsialebyeenkomste.

Branderplankry

Omdat ons naby Jeffreysbaai, mekka van branderplankry in SA, geleë is, is dit onafwendbaar dat hierdie sport groot aanhang het.

Kompetisies word gereeld teen skole van Port Elizabeth gehou. Ons branderplankryers word ook gereeld opgeneem in OP-strukture.

Rugby

Die skool is bekend vir klipharde hardlooprugby in die Oos-Kaap.

Met ‘n filosofie van spelerontwikkeling word daar gefokus op vaardigheids-ontwikkeling van die individu ten einde ‘n beter speler te skep. In die winterseisoen vanaf April tot Augustus ding ons gereeld met 9 spanne mee op die hoogste vlak in die OP en die bekende “Bloutrui” van die eerste span word gereken dwarsdeur die land. Toere word ook gereeld deur verskeie spanne onderneem.

Oefeninge vind plaas soos uiteengesit op ons jaarprogram.

Verskeie van ons spelers word jaarliks na skool gekontrakteer op provinsialevlak en selfs nasionalevlak.

Die grondslag van Nico Malan se rugbysukses is TROTS, TRADISIE en PASSIE.

Swem

Swem is ‘n amptelike somersport. Ons bied jaarliks ‘n interhuisgala aan.

Swemmers neem ook deel aan gala’s in Port Elizabeth. Daar is weekliks oefening onder die wakende oog van ‘n buite-afrigter.

Atletiek

Atletiek vind plaas in die somermaande vanaf Januarie tot April en weer September tot November.

Oefeninge vind plaas soos uiteengesit op ons jaarprogram.

Ons leuse is HOËR, VINNIGER, VERDER.

Daar word hard gewerk om ‘n liefde vir die sport te kweek. Met toegewydheid en goeie dissipline is atletiek een van die sportsoorte wat werklik gedy. Byeenkomste waaraan deelgeneem word is as volg:

Interhuis
Nico Malan Prestigebyeenkoms
Top 10 byeenkomste
Friday Night Lite-byeenkomste
Distriks- en Provinsialebyeenkomste

Netbal

In die wintermaande is ‘n groot aantal dogters bedrywig op die netbalbaan.

Oefeninge vind plaas soos uiteengesit op ons jaarprogram. Ons het in totaal 12 spanne en werk hard om ook ons C- en D-spanne blootstelling te gee met wedstryde. Ons o/14-, o/16- en o/19 A-spanne neem gereeld deel aan die SA Challenge Toernooi in Gauteng. Afrigters en spelers word ook gereeld blootgestel aan die nuutste oefenmetodes en tegnieke d.m.v. klinieke en oefenkampe. Die eerste span toer gewoonlik gedurende die April-vakansie.

Skaak

Hierdie sport groei huidiglik mooi by die skool.

Oefeninge vind plaas op Donderdae vanaf 14h00 tot 16h00. Ons is bevoorreg om van ‘n buite persoon gebruik te maak wat die leerders die fynere punte van hierdie antieke spel aanleer. Ons is betrokke by die OP-skoleliga en vind dat al meer leerders betrokke raak.

krieket

Krieket is ‘n somersport en vind plaas vanaf Januarie tot Maart en weer September en Oktober.

Oefeninge vind plaas soos uiteengesit op ons jaarprogram. Ons ding mee in die A-liga van die Oos-Kaap met 2 junior- en 2 seniorspanne. Ons het uitstekende fasiliteite en het ook ‘n proffessionele afrigter wat reg deur die jaar beskikbaar is om spelers een keer per week by te staan.

Hokkie

Seuns en dogters speel in die winterseisoen hokkie.

Daar is tans 9 dogterspanne en 1 seniorseunsspan en 1 juniorseunsspan. Alhoewel die meeste van ons leerders eers in graad 8 aan hokkie blootgestel word, leer hulle vinnig en speel ons in die top ligas. Ons eerstespanne woon ook gereeld toernooie tydens vakansies en langnaweke by. Oefeninge vind plaas soos uiteengesit op ons jaarprogram.

Tennis

Ons tennisspanne neem in die 1ste liga van die Oos-Kaap deel.

Twee junior en senior dogter-en-seunsspanne is betrokke. Tennis vind deur die jaar plaas en daar word ook jaarliks deelgeneem aan toernooie buite ons provinsie. Oefeninge vind plaas soos aangedui op die jaarprogram.

Ons poog om by die spelers die volgende te vestig:

PASSIE OM TE WEN
MET GRASIE TE VERLOOR
LIEFDE VIR DIE SPEL

EREKLEURE - Sport

Beleid: Kleure, Erekleure en Lapelwapens

(soos goedgekeur deur die Beheerliggaam.)

ATLETIEK

KLEURE

Twee keer 750 op die ABSA-puntetabel behaal.
Twee keer kwalifiserende standaarde vir SA’s behaal op erkende byeenkomste.
OP junior kampioen (goue medalje) by OP ASA Kampioenskap of OP Skole-kampioenskap.
Wenners van Top 10 byeenkoms waar meer as een provinsie se skole betrokke is.
‘n Lid van die provinsiale-atletiekspan na ASA Kampioenskap of SA Skole
Kampioenskap in slegs die aflos.

EREKLEURE

Drie prestasiebalkies in atletiek verwerf.
Ten minste twee maal 800+ punte op die ABSA-puntetabel behaal.
‘n Lid van die provinsiale-atletiekspan na S.A.-skole of S.A.-juniors in ‘n individuele item.

KRIEKET

KLEURE

Twee maal ‘n 100-tal in ‘n enkele beurt of 3 x 5 of meer paaltjies in ‘n enkele beurt geneem in een seisoen. (Eerste liga)
Twee jaar lid van die1ste span met ‘n gem. van 75% wedstryde gespeel oor die twee jaar.
Verteenwoordig die OP Kusspan. (EP Coastal Team)
Speel in finale OP o/16 of o/18 proewe. (A of B span)

EREKLEURE

Drie prestasiebalkies in krieket verwerf.
‘n Speler wat die provinsie verteenwoordig in interprovinsiale wedstryde tydens die O/16 en/of o/18 nasionale toernooi. (Coke-week)

RUGBY

KLEURE

Twee jaar lid van die 1ste span met ‘n gem. van 75% wedstryde gespeel oor die twee jaar.
Verteenwoordig die OP o/14 of o/15 span wat aan interprovinsiale wedstryde deelneem.
Speel in finale OP o/16 of o/18 proewe. (A of B span)
Verteenwoordig die OP 7’s by ‘n nasionale toernooi

EREKLEURE

Drie prestasiebalkies in rugby verwerf.
‘n Speler wat die provinsie verteenwoordig in interprovinsiale wedstryde tydens die o/16 en/of o/18 nasionale toernooi. (Cravenweek/Akademieweek/Grant Khomoweek)
‘n Speler wat die provinsie in 3 of meer interprovinsiale wedstryde op o/19 vlak verteenwoordig.

TENNIS

KLEURE

Drie jaar ‘n lid van die eerste span met ‘n gem. van 75% wedstryde gespeel oor die drie jaar.
Verteenwoordig die OP in interprovinsiale-streekspanne
Twee keer die skool se tenniskampioen.
A-liga wenners in die OP

EREKLEURE

Drie prestasiebalkies in tennis verwerf.
‘n Speler wat die provinsie verteenwoordig in interprovinsiale wedstryde by die nasionale Kampioenskappe.

NETBAL

KLEURE

Twee jaar lid van die 1ste span met ‘n gem. van 75% wedstryde gespeel oor die twee jaar.
Verteenwoordig die OP o/14 of o/15 span wat aan interprovinsiale wedstryde deelneem.
Speel in finale OP o/16 of o/18 proewe. (A of B span)
‘n Span wat provinsiale wenners is en in die top 5 eindig by die nasionale toernooi

EREKLEURE

Drie prestasiebalkies in netbal verwerf.
‘n Speelster wat die provinsie verteenwoordig in interprovinsiale wedstryde in die o/16 en/of o17 en/of o18 nasionale toernooi.
‘n Span wat nasionale wenners is by die nasionale toernooi.

LANDLOOP

KLEURE

‘n Lid van ‘n streekspan wat aan die provinsiale kampioenskap deelneem.
‘n Lid van die provinsiale uitnodigingspan of provinsiale skolespan.

EREKLEURE

Drie prestasiebalkies in landloop verwerf.
‘n Lid van die provinsialespan na die S.A.-kampioenskap.

SKAAK

KLEURE

Drie jaar wenner van die skool se skaakkompetisie.
Die wenner van ‘n streekkompetisie, bv. Uitenhagesirkel/P.E.

EREKLEURE

Drie prestasiebalkies in skaak verwerf.
Wenner van ‘n kompetisie op provinsiale vlak.
‘n Speler wat die O.P. in ‘n interprovinsiale kompetisie verteenwoordig.

SWEM

KLEURE

Lid van die O.P.-streekswemspan.

EREKLEURE

Drie prestasiebalkies verwerf.
Lid van provinsiale span wat aan ‘n interprovinsiale byeenkoms deelneem by die nasionale kampioenskappe.

SURFING

KLEURE

Represent E.P. at quadrangulars, triangulars, etc.

HONOURS

E.P. team to S.A. Schools’ Championships or S.A. Senior Championships.
Three surfing scrolls.

GHOLF

KLEURE

Twee jaar lid van die 1ste span met ‘n gem. van 75% wedstryde gespeel oor die twee jaar.
Deelname aan die O.P. Gholf Stigting-toernooi. (ten minste drie toernooie per jaar)
Individuele wenner van die Cape Schools toernooi en/of die OP-toernooi.
Lid van die 1ste span wat as OP wenners aangewys word.
Verteenwoordig die OP o/14 of o/15 span wat aan interprovinsiale wedstryde deelneem.

EREKLEURE

Drie prestasiebalkies verwerf in gholf
‘n Speler wat die provinsie verteenwoordig in interprovinsiale wedstryde by die nasionale kampioenskappe
As skoolspan wenners is van die Nasionale Skole-kampioenskappe of ‘n top 3 individuele prestasie behaal by die Nasionale Skole-kampioenskappe.

HOKKIE

KLEURE

Twee jaar lid van die 1ste span met ‘n gem. van 75% wedstryde gespeel oor die twee jaar.
Verteenwoordig die OP o/14 of o/15 span wat aan interprovinsiale wedstryde deelneem.
Speel in finale OP o/16 of o/18 proewe. (A of B span)

EREKLEURE

Drie prestasiebalkies in hokkie verwerf.
‘n Speler wat die provinsie verteenwoordig in interprovinsiale wedstryde in die o/16 en/of o18 nasionale toernooi.