kultuur

kultuur

Hoërskool Nico Malan se kultuur is aktief en lewendig.  Daar word talle geleenthede geskep waar leerders hulle talente kan uitstal en prestasies kan lewer. Ons is trots op die leerders se vermoë om te speel, spreek, sing en skep.

fotografieklub

Belangstellendes in fotografie kan hier inskakel om te leer hoe om beter foto’s te neem deur te kyk na verskillende tegnieke en komposisies.

Maandagmiddae word n beginnersklas aangebied en Woensdagmiddae is vir die meer gevorderde fotograwe. Hier word selfs geleer hoe om die foto’s te redigeer. 
Read more

redenaarskuns

Goeie leiers moet kan práát, hulle standpunt gemotiveerd en ingelig kan stel en hulle gehoor kan oortuig!

Dít weet Hoërskool Nico Malan baie goed.

Ons spits ons daarop toe om individuele redenaars op te lei en aan te moedig om hulle standpunte onomwonde te stel. By die jaarlikse ATKV-redenaarskompetisie beïndruk die sprekers telkens die beoordelaars. Talle sprekers dring jaarlik deur na die semi-finale en selfs finale kompetisie.

Praat sinvol, wees ingelig, redeneer ooruigend… dít is wat ons by Nico Malan doen!

Read more

Dans

Ons dansgroep is altyd ‘n wenner by ons jaarlikse Interskole.

Dogters van gr 9 tot 12 kan aanmeld vir oudisies aan die begin van elke jaar. Ons strewe daarna om die boodskap uit te dra dat elke dogter mooi en op haar eie manier uniek is. Daar word van Januarie tot Augustus hard geoefen om professionele vertonings te lewer.
Read more

Videoklub

Leerders wat belangstel in fotografie en die maak van video’s kry hier die geleentheid om hulle kreatiwiteit uit te leef.

Daar word een middag per week vergader waar verskillende tegnieke en redigeringsprogramme bespreek en aangeleer word. Temas in en om die skool word aangepak en van die produkte word deel van die IniKollig-kunstefees.
Read more

algemene kennis

Om ‘n gebalanseerde leerder te ontwikkel moedig ons leerders aan om aan verskeie aktiwiteite deel te neem.

Dit is daarom vir ons belangrik dat leerders ook hulle algemene kennis uitbrei en verbeter. Die volgende geleenthede word geskep:

Vasvra²

Elke eerste Woensdag van ‘n kwartaal word ‘n vasvra kompetisie in die saal gehou waar leerders se kennis getoets word. Leerders skryf self spanne van twee in waar hulle met vrae gebombardeer word in 3 afdelings. Daar is ook altyd heelwat toeskouers wat die deelnemers aanmoedig.

Wêreldkennis Olimpiade:

Ons neem jaarliks aan hierdie nasionale olimpiade deel met meer as 50 leerders.

Die Burger’s “Vlymskerp” kompetisie:

 Leerders van al die top skole in die Oos-Kaap ding mee. Spanne bestaan uit 4 lede en daar is groot kontantpryse op die spel.

 

 

 

 

Read more

koor

Onder die bekwame leiding van ‘n begeleier en dirrigent word ons leerders blootgestel aan pragtige koorsang en musiek.

Hier word wonderlike bande gesmee en ons ie elke keer trots as ons koor wonderlike komplimente kry na optredes.
Read more

Toneel

Die kuns van toneelspel word jaarliks ontwikkel met opvoerings, revues of blyspele.

Ons neem ook deel aan die ATKV-toneelkompetisie en gee leerders blootstelling aan feeste soos die Logan-fees in Franserburg en die toneelfees in Durbanville. Gedurende die derde kwartaal word daar ‘n kultuur-aand gehou waar die toneel opgevoer word.
Read more

IniKollig

Ons eie mini-kunstefees is ‘n geleentheid waar alle leerders hulle vernuf kan uistal met skeppende kunste.

Hier word toneel gespeel, gesing, gedans, films gewys en natuurlik ook geëet. Leerders is verantwoordelik vir die skryf, redigeer en opvoer van produksies. Ook die kosstalletjies is leerders se inisiatief. Hierdie geleentheid is ‘n hoogtepunt in die eerste kwartaal van die jaar.
Read more

Debat

Hier kan standpunte gestel en redenasies met vaardigheid uitgevoer word.

Ons debatspanne neem teen verskeie skole in die Oos-Kaap deel. Daar word ook jaarliks met groot welslae aan die landswye ATKV-debatskompetisie deelgeneem.
Read more

EREKLEURE - KULTUUR

TONEEL

KLEURE

  • Drie jaar lid van die ATKV-toneelgroep. 
  • Lid van ‘n groep wat in die top 5 van die ATKV streeksfinaal eindig.
  • ‘n Goue sertifikaat vir ‘n individu by die ATKV-streekskompetisie.

EREKLEURE

  • Drie prestasiebalkies in toneel verwerf.
  • Lid van ‘n groep wat deurdring tot die ATKV-finaal nasionaal .
  • ‘n Goue sertifikaat vir ‘n individu by die ATKV-finaal nasionaal.
KOOR

KLEURE

  • Drie jaar ononderbroke lid van die skoolkoor.
  • Een jaar lid van die O.P.-jeugkoor en steeds deel van skoolkoor.
  • Lid van die koor wat die ATKV-streekskompetisie wen

EREKLEURE

  • Drie prestasie balkies in koor.
  • Ten minste drie jaar lid is van die O.P.-jeugkoor en steeds lid is van die skoolkoor.
  • Lid van die koor wat die ATKV-finaal nasionaal wen
REDENAARSKUNS

KLEURE

  • Deelname aan die halfeindronde (semi-finaal) van die ATKV-redenaarskompetisie.
  • Deelname aan Radikale-redenaars finaal – nasionaal

EREKLEURE

  • Drie prestasiebalkies in redenaarskuns verwerf.
  • Deelname aan die finaal van die ATKV-redenaarskompetisie nasionaal.
  • Wenner van kategorie in Radikale-redenaars finaal nasionaal
DEBAT

KLEURE

  • Deelname aan die halfeindronde (semi-finaal) van ATKV debatskompetisie

EREKLEURE

  • Drie prestasiebalkies in debat.
  • Deelname aan die finaal van die ATKV-debatskompetisie nasionaal. 
KULTUUR

KLEURE

  • 3 Jaar betrokkenheid by Revue in ‘n hoofrol en/of InniKollig as regiseur